经过节目调动关系，延续“腐败篇”嘅神话，拉开“温情篇”嘅序幕……

 

温情篇

    唔知唔觉就过完年喇，正月十五元宵节，望住一个听闻好似“咸蛋黄”嘅月光，难免有两分唏嘘感慨 -_- 老实讲，自己身边的确都有唔少朋友默默甘关心住自己，而偏偏我又好漠视依种微妙嘅关怀，即使屋企人默默无闻甘鼓励住我成长，但我依然觉得好寂寞。系依个到处充满住温情嘅节日里面，我仍然压抑住内心果份孤独，唉……

    查实回顾番春节一个假期，有好多幕令我感动嘅温情片段，又或者系令我体会到做人有时真系应该好好顾及身边人感受，唔好因为自己感情因素而忽略冷落周边嘅人。

    真系好耐无探过连县舅父，多年百病缠身已经将距摧残得神志模糊，若然唔系班仔个个有权有势，距条命真系早十几年就归天咯。尽管距D仔个个都达官贵人，但系舅父作风依然好朴素同俭朴，依然时刻教导子孙尊老爱幼。好明显，我觉得一班表哥虽然地位显赫，但系都好nice，而且非常之注重辈分，而且仲非常之注重亲情，更加系突出系孝义之道。

    跟住我地隔日去到鹤山，探望另外两位舅父同姨妈，距地都过上好日子喇，个个仔大女大又好世界^v^ 但系依然系好重感情嘅一群，得知我婆婆都跟埋去，个个都真系用喜出望外黎形容。好明显，距地对于长辈果份感情真系俾我地依一代人浓好多，咩叫浓浓亲情？学野喇！舅父距地年纪都唔细喇，子女都三字头喇，但系依然忙个不停甘招呼我地，真系好唔好意思 -_- 尤其系争住咩婆婆上楼果段戏，我谂就算端哥私人醒一旧水过我，都未必做得掂…… 我后生细仔都觉得攰喇，咩上8楼喔大佬，老人家都唔轻噶嘛！不过舅父距地就争先恐后甘争住服侍，我突然觉得孝义之道黎到我地依代人真系准备荡然无存噶喇 @_@

    过年真系唔好彩，肠胃炎又疴又呕两日，成个人好似散晒甘摊系床度，或者穿梭厕所同房之间…… 骨肉情依D野呢，端哥身上面睇唔到噶喇，依然系冷嘲热讽甘，都唔识做D假动作关心下人 >_< 都系婆婆好 t_t 时不时坐系床边睇下我点，又叫距整乜就整乜过我食，最起码关心住我好D未呀嘛。不过，要个年过90嘅老人家为我担心，服侍我就真系折福噶喇，不过依D骨肉之情压抑唔到噶嘛，我都系俾机会距抒发下喈^v^

    其实温情未必一定系要血浓于水先有咯，我觉得人与人之间感情深左，自然就会产生依中微妙关系噶喇。好似我班F，个个都系猪朋酒友黎噶喇，平时唔搞三搞四都算有个好人做下，不过其实彼此间都好关心住对方咯，最起码连感情受创依D内心野都系默默无声之间关爱有嘉喇。真系唔可以唔用果句野表达番下：“得喇！大家甘熟，明噶喇，我知道你明噶喇，唔使讲野喇！”或者男人之间可能就真系甘，唔需要讲已经好明，但偏偏男人同女人之间好多野真系讲到好白都未必明……

    正月十五的月光，每个人都可以望到，但睇会唔一样。就正如人嘅感觉，可能我有，或者距无。无论点，坚持未必胜利，放弃就注定失败，每轮十五明月夜，我都会为孤身嘅自己祷告，空虚燃烧住寂寞，何时先会共婵娟。要学会珍惜身边人或者系我契机……